संजय वानखडे नावाचा कस्तुरीमृग
याचं वर्तुळ खूप मोठं . त्यात आणखी खूप सारे वर्तुळ .अंबापेठ क्रीडा मंडळ , पंजाबराव बँक , शिवाजी शिक्षण संस्था , आम्ही सारे फाऊंडेशन आणि आणखीही खूप काही . यातील एका वर्तुळाला माहीत असणारा संजय वानखडे दुसऱ्याला माहीत नसायचा . अंबापेठ क्रीडा मंडळाला त्याच्यातील कुशल खेळाडू तेवढाच माहीत . बँकिंग क्षेत्रातील मंडळी केवळ त्याची शिस्त आणि प्रामाणिकपणा याच्याशी परिचित . राजकीय क्षेत्रातील जगदीश गुप्ता , संजय खोडके , विलास इंगोले , मिलिंद चिमोटे यांना चिकाटीने, मेहनतीने काम करणारा ‘संजू’ एवढंच माहीत. ‘आम्ही सारे’ च्या कार्यकर्त्यांना त्याचं भरपूर वाचन , प्रत्येक क्षेत्रात असलेल्या प्रचंड ओळखीचं कौतुक . पण बाकी क्षेत्रातील त्याच्या कर्तृत्वाशी तेही अनभिज्ञच .
