संतोष अरसोड
माय…तुझ्या डोळ्यातील
वेदनेचं आभाळ
एकदा माझ्या डोळ्यात
मला साठवायचं
मन बेधुंद होऊन बरसायचं
या कत्तलखोरांच्या वस्तीवर….
माय…तुझ्या खांद्यावरील युगानयुगाचं ओझं पाहिलं की
माझ्या मेंदूत विद्रोहाच्या विजा कडाडतात
व्याजासहित हिशोब चुकवण्यासाठी….
माय ..या काळोखी व्यवस्थेने कधीच रुजू दिले नाहीत
प्रकाशाचे गर्भ
युगानयुगाचा काळोख
कुठवर पित बसायचा माय….
तुझ्या खोल डोळ्यातील अंधार
आता मी दफन करणार आहे
काल परवाच मी तसा सूर्याशी करार केला आहे.
■■■ 9623191923
(कवी मीडिया वॉच अनियतकालिक व वेब पोर्टलचे असोसिएट एडिटर आहेत.)
