स्वतःशी खरं वागून पहा!

परिचयाचा भंवताल सोडून देण्याचं भय वाटतं तुला
परिचयाच्या या भंवतालात आहे एक पांघरलेला अज्ञान भाव
तुला सुरक्षित वाटणारा आणि समाधानात गुरफटवणारा
तू नाकारून टाकतोस विवेकाचा स्वर
कारण तुला बंदिस्त करणाऱ्या भंवतालाच्या कुंपणाने
आंधळं केलेलं असतं तुला

स्वतःशी खरं वागून पहा
“सत्याला झाकून टाकलंस आणि जमिनीत गाडून टाकलंस,
तर ते वाढीला लागेल जोमाने, आणि गोळा करील अशी विस्फोटक शक्ती
की जेव्हा ते फुटून बाहेर येईल, तेव्हा वाटेत येणाऱ्या साऱ्या भंवतालाच्या उडवील चिंधड्या.”
म्हणालेला एमिल झोला… १८४०मध्ये जन्मलेला आणि १९०२मध्ये मेलेला

मिळवायला हवी तुला शक्ती
स्वतःला सकारात्म सत्याने वेढून घेण्याची.
सशक्त हो.
शक्ती, सत्य आणि विश्वास स्वतःतच मिळवणं
हीच आहे किल्ली बंदिस्त करणारा भंवताल खुला करण्याची

तू असशील मुक्तात्मा
कुणीच नाही ठरवणार तुझ्या अस्तित्वाचे कंगोरे
कुणीच नाही सांगणार तुला- काय विचार करावा, काय कृती… काय उक्ती…
कुणीच नाही करणार तुझं जगणं नियंत्रित
दुसरं कुणीही नाही… फक्त तू स्वतःच.

कवयित्री- डायना-मारी बंबार्दिरी

(मुग्धा कर्णिक यांच्या फेसबुक पेजवरुन साभार)

Previous articleसावरकर माफीवीर तर भगतसिंग क्रांतिकारी होते!
Next articleग्लॅडिएटर्स
Team Media Watch
अविनाश दुधे - मराठी पत्रकारितेतील एक आघाडीचे नाव . लोकमत , तरुण भारत , दैनिक पुण्यनगरी आदी दैनिकात जिल्हा वार्ताहर ते संपादक पदापर्यंतचा प्रवास . साप्ताहिक 'चित्रलेखा' चे सहा वर्ष विदर्भ ब्युरो चीफ . रोखठोक व विषयाला थेट भिडणारी लेखनशैली, आसारामबापूपासून भैय्यू महाराजांपर्यंत अनेकांच्या कार्यपद्धतीवर थेट प्रहार करणारा पत्रकार . अनेक ढोंगी बुवा , महाराज व राजकारण्यांचा भांडाफोड . 'आमदार सौभाग्यवती' आणि 'मीडिया वॉच' ही पुस्तके प्रकाशित. अनेक प्रतिष्ठित पुरस्काराचे मानकरी. सध्या 'मीडिया वॉच' अनियतकालिक , दिवाळी अंक व वेब पोर्टलचे संपादक.

LEAVE A REPLY

Please enter your comment!
Please enter your name here