(सुप्रसिद्ध लेखिका कविता महाजन यांच्या फेसबुक वॉलवरून साभार)
पण मला काही लपवायचंच नसंल तर?
……………
– चंद्रिका
…………………………………..
पण मला काही लपवायचंच नसंल तर?
आरे बाबा झुकेरबर्ग
मान खाली नको घालू
हे बघ माझ्या कातड्यावरले वाढत जाणारे तीळ
बघ माझ्या मांड्यांवरले विटकरी ठिपके सिगारेटच्या चटक्यांचे
ही जन्मखुण नाहीये
मी लाथा झाडत होते म्हणून तापलेली इस्त्री ठेवली होती पोटरीवरती
किती दिवस उभीपण राह्यले नाही नंतर
आडवी ती आडवीच
बघ बघ या पुच्चीत किती बुल्ले
पाणी वतून सुशेगाद गायब झाले
आहेत
बघ बाबा झुकेरबर्ग माझी कमाई
एका गिऱ्हाईकाचे आता मिळतेत कधी तीस कधी पस्तीस रुपये
धंद्यात वय लवकर जास्ती होतं
काय खाऊ किती पिऊ पार्टी करू
आय वॉन्ट टू ओपन एव्हरीथिंग
नागडं व्हते कपडे फेडून पटकन
हे बघ मायांग फाटू फाटू गेलं माझं
हे बघ आतड्याला पीळ पडला माझ्या
हे बघ पित्ताचे खडे काढायला जमत नाही अजून
हे बघ पिशवीत वाढायलाय ट्युमर नवा नवा
हे बघ सगळ्या नसा आखडू आखडू गेल्यात
हे बघ बसता येतच नाही मांडी घालून खाली
उभं ऱ्हा नाहीतर आडवं व्हा
आडवं व्हा आडवं व्हा आडवंच ऱ्हा
हे बघ नजर आन्धुक आन्धुक झाली माझी
तसं तरी बघायचं काय बाकी या दुनियेत?
हां आजून ती दोन हजाराची नोट नाही पाहिली मी
हे बघ औषधाच्या बाटलीवर कापलेला जीएसटी
हे बघ सगळं बघ निचिंतीनं बघ
हे बघ रक्ताच्या थारोळ्यात गर्भाचे तुकडे
खोलीतल्या खोलीत पोट पाडलं होतं गुपचूप
हे बघ तो सोनेरी नाकतोडा खुश आहे
निवड करताना भावताव करताना
त्याचं मोदीजाकीट बघ
धड पडलं वाटतं कचऱ्यात कोणाचं
डोकं उडालंय कुठं
पर्वा नाही पर्वा नाही
गाणं ऐक केशरिया बालमा…
ए बाबा झुकेरबर्ग
सांग माझं दुकान चालंल का?
फळी नाही लावत कधी चोवीस तास खुलं तुझ्या दुकानासारखं
गिर्हाईक आजतरी भेटल का चांगलं?
कसा वाढवू बिझनेस, वाढल का?
बोच्याची शपथ
झ्याट उपटून ठिवते तुझ्या तळहातावरती
डोळे बंद कर
फुंकर मार
इच्छा व्यक्त कर मनात
पूर्ण होणार म्हण मोठ्यानं
थांब जरा
आला खाकीवर्दिवाला फुकटचोद
त्याला नाही म्हणता येत नाही
वकील पण येतो एक पण तो याच्यासारखं
फुकट मागत नाही
मी तर एका न्यायाधीशाकडून सुद्धा पैसे घेतलेत वाजवून
न्याय तर मिळणार नसतो
पैसे का सोडा?
नकार कोणाला देत नाही कितीही कसाही असू दे
झुकेरबर्ग
हेही कर ओपन हे ही कर ओपन
माझ्या चड्डीचा रंग
आज आहे काळा
कर जाहीर
मला काहीच लपवायचं नाहीये.
Comments are closed.