-सानिया भालेराव
गेल्या वर्षभरापासून क्वांटम फिजिक्स, मल्टिपल रिऍलीटीज आणि मॅनिफेस्टेशन आणि या मागचं सायन्स.. याबद्दल खोलात शिरून वाचन चालू आहे. आपले जीवन हे निव्वळ एक ठरलेले वास्तव नसून, अनंत शक्यतांनी भरलेले एक आहे क्वांटम फील्ड, असे क्वांटम फिजिक्स सांगते. अल्बर्ट आईन्स्टाईनने क्वांटम फिजिक्सचे दरवाजे खुले केले आणि त्यानंतर ज्यांना विज्ञानात रस आहे त्यांनी नॉन न्यूटोनियन सायन्सचा आधार घेऊन अशक्य वाटणाऱ्या शक्यता सत्यात कशा येऊ शकतात यावर नुसताच लॅब बेस्ड नाही तर न्यूरोसायन्सच्या मदतीने एव्हिडन्स बेस्ड रिसर्च केला आहे.
तर आहे काय ही भानगड मुळात हे समजवून घ्यायचं असेल तर अगदी सोप्या शब्दात असं म्हणता येईल की पारंपरिक न्यूटोनियन भौतिकशास्त्र आपल्याला कारण-परिणाम (Cause and Effect) यावर आधारलेले वास्तव शिकवते, पण क्वांटम फिजिक्स त्यापलीकडे जाऊन सांगते की आपण आपल्या विचारांनी आणि भावनांनी स्वतःचे वास्तव घडवू शकतो. एकदा वाचलंत? आता थांबा आणि पुन्हा एकदा वाचा. जर हे वाचून वॉव असं वाटलं असेल तर पुढे नक्कीच वाचायला मजा येईल तुम्हाला. क्वांटम सिद्धांतानुसार, एखादी गोष्ट अस्तित्वात येते की नाही हे पूर्णतः निरीक्षकावर (Observer) अवलंबून असते. Double Slit Experiment हे दाखवते की इलेक्ट्रॉन्स हे पार्टीकल आणि वेव्ह दोन्ही असू शकतात, आणि ते केवळ निरीक्षकाच्या उपस्थितीत ठराविक रूप धारण करतात. याचा अर्थ असा की आपल्या जगात अगणित शक्यता (Infinite Possibilities) अस्तित्वात आहेत, पण आपण ज्या शक्यतेवर फोकस करतो, तीच प्रत्यक्षात येते.
आहे की नाही हे इंटरेस्टिंग? मी स्वतः एक सायंटिस्ट असल्याने मला कायम नुसत्या थिअरीजपेक्षा सायंटिफिक एव्हिडन्स असलेले सिद्धांत अधिक भावतात. डॉ. जो डिस्पेन्झा हे नाव तसं बरच फेमस आहे. त्यांनी न्यूरोसायन्स, क्वांटम फिजिक्स आणि फ्रिक्वेन्सीज यांचा सुंदर मेळ घालून, आपले विचार आणि भावनांचे आपल्या आयुष्यावर होणारे परिणाम फार सुरेखरित्या समजावून सांगितले आहेत. अजून थोडं खोलात शिरायचं झाल्यास त्यांच्या रिसर्चच्या नुसार, आपले मेंदूतील न्यूरल पाथवेज आणि आपल्या शरीरातील एनर्जी फिल्ड हे आपल्या सवयी, विचारसरणी आणि भावना यांच्यावर अवलंबून असते. आपण जेव्हा आपले इमोशनल बेहेव्हीयरल पॅटर्न बदलतो, तेव्हा आपण आपल्याकरिता नवीन रिऍलिटी निर्माण करू शकतो.
आजकाल लॉ ऑफ अट्रॅक्शन,अझम्पशन याचं खूप फॅड आहे पण त्यामागचं विज्ञान हे क्वांटम फिजिक्समध्ये दडलेलं आहे. माझ्या आवडत्या आईन्स्टाईनला कित्येक वर्षांपूर्वीच हे समजून गेलं होतं आणि म्हणूनच तो कायम काळाच्या पुढे होता आणि राहील. तर, जर का मी तुम्हाला असं सांगितलं की, “आपल्या आयुष्यातील प्रत्येक क्षण हा अनेक शक्यता घेऊन येतो. आपण ज्या वास्तवावर विश्वास ठेवतो, ज्या विचारांना प्राधान्य देतो, त्या शक्यता आपल्या जीवनात साकार होतात.” तर तुम्ही आत्ता या क्षणाला काय विचार कराल? आणि हा अवेअरनेस जेव्हा आपल्यामध्ये येतो तेव्हा आपण आपल्या हव्या असणाऱ्या रिऍलीटीकडे पाहिलं पाऊल टाकतो.
हे जे काही मी लिहिलं आहे ते एक मॅड फॅसिनेटिंग सायन्स आहे. सो क्वांटम लिव्हिंग ही एक फार ब्रॉडर टर्म आहे आणि गेल्या दीड दोन वर्षात आश्चर्यकारक एव्हिडन्स बेस्ड अनुभव घेऊन मग यावर जरा लिहायला हवं असं वाटायला लागलं. जर झाली आपली फ्रिक्वेन्सी मॅच झाली, तर नक्कीच लिहीन यावर अधिक. तूर्तास इतकंच की आपल्याला जेव्हा एखादी गोष्ट हवी असते तेव्हा ती शक्यता ऑलरेडी अस्तित्वात आलेली असते. युनिव्हर्समध्ये मल्टिपल रिएलीटीज आहेत. आपली फ्रिक्वेन्सी महत्त्वाची .. जसं ही पोस्ट बरोबर त्या लोकांपर्यत पोहोचेल जे ऑलरेडी पॉझिटिव्ह फ्रिक्वेन्सीवर व्हायब्रेट करत आहेत.. हीच गंम्मत आहे क्वांटम फिजिक्सची.
(लेखिका नाशिक येथे MET’s Institute of Pharmacy येथे कार्यरत आहेत)
सानिया भालेराव यांचे जुने लेख वाचण्यासाठी www.mediawatch.info या वेब पोर्टलवर वरच्या बाजूला उजवीकडे ‘साईट सर्च करा’ असे जिथे लिहिलेले आहे त्याखालील चौकोनात –सानिया भालेराव– type करा आणि Search वर क्लिक करा.
